The Autism Society Philippines (ASP) is a national, non-profit organization dedicated to the well-being of persons on the autism spectrum disorder. We envision a society where Filipinos on the spectrum become the best of their potentials -- self-reliant, independent, productive, socially-accepted citizens of an Autism-OK Philippines.

06 November 2012

Mga Lider ng ASP Hagonoy Nanumpa

By Anawi Tolentino MD, President, ASP Hagonoy Chapter


Lubos ang pasasalamat ng mga magulang na bumubuo sa Special Parent for Special Child (SPSC) sa bayan ng Hagonoy, sa lalawigan ng Bulacan nang paunlakan ng pangulo ng Autism Society Philippines na si Gng. Jannette Peña ang paanyaya upang maitalaga ang pamunuan at mga kasapi ng ASP Hagonoy Chapter.

Sabado ng umaga nang dumayo si Mam Jan, kasama ang kanyang anak na si Muneer, sa gusali ng Sangguniang Bayan ng Hagonoy kung saan idinaos ang maikling programa. Bilang pagbati sa kanilang pagdating ay naghandog ng maindak na sayaw ang mga kabataan ng SPSC at ito'y sinundan ng maikling pananalita ni Gng. Peña tungkol sa mga hamon na pinagdaraanan ng mga pamilya ng mga batang may autismo at ng mga batang may kapansanan.

Sa panghuli ay ginanap ang panunumpa ng mga magulang na inihalal na maging pamunuan ng ASP Hagonoy Chapter. Naway ang aming chapter at ang mga bagong pinuno nito ay magpatuloy sa pangunguna sa pagkalinga at pagtulong sa mga taong may autismo sa aming pamayanan.

1 comments:

Unknown said...

Patuloy lang tayo, sulong, Hagonoy!! :-)
Binabati ko kayong lahat!! God bless you more!

Post a Comment

 
Design by Free WordPress Themes | Bloggerized by Lasantha - Premium Blogger Themes | Sweet Tomatoes Printable Coupons